މި ކައުންސިލްގެ މިއަހަރުގެ އެކްޝަން ޕްލޭންގައި ހިމެނިގެން އިޤްތިޞާދު ކުރިއެރުވުމާއި، ވަޒީފާ އިތުރުކުރުމުގެ މަޤްޞަދުގައި ދަނޑުވެރިކަމުގެ ދާއިރާއަށް އަހުލުވެރި ރައްޔިތެއް ބިނާކޮށް އެދާއިރާ ކުރިއެރުވުމުގެ ގޮތުން މުލަކަތޮޅު އަތޮޅު ކައުންސިލާއި މިއިދާރާ ގުޅިގެން މިހިނގާ މޭމަހުގެ 9 އިން 15 އަށް ދަނޑުވެރިކަމުގެ ޚާއްޞަ ޕްރޮގްރާމް ވަނީ ކާމިޔާބުކަމާއެކު ނިންމާލެވިފައެވެ. މި ތަމްރީން ޕްރޮގްރާމްގައި 40 ފަރާތަކުން ވަނީ ބައިވެރިވެވި ނަމަވެސް ތަމްރީން ޕްރޮގުރާމް ފުރިހަމަ ކޮސޤފައިވާނީ 27ބޭފުޅުންނެވެ. އަދި ފުރުސަތުގައި މުލަކަތޮޅު އަތޮޅު ކައުންސިލާއި ދިވެހިރާޢްޖޭގެ ދަނޑުވެރިކަމާ ދިރޭ ތަކެއްޗާބެހޭ ވުޒާރާގެ ފަރާތުން  ވެދެއްވި  އެހީތެރިކަން ފާހަގަކޮށް މުލަކު ކައުންސިލްގެ ނަމުގައި ޝުކުރު ދަންނަވަމެވެ.