މ. މުލަކަކީ، 2017 ވަނަ އަހަރުން ފެށިގެން ރަނގަޅުފެންވަރެއްގެ ނަރުދަމާގެ ނިޒާމެއް ޤާއިމުކޮށް އެފަސޭހަކަން ސަރުކާރުން ރައްޔަތުންނަށް ފޯރުކޮށްދެމުންދާ ރަށެކެވެ. އަދި މި ޚިދުމަތާ ގުޅިގެން ގިނަބަޔަކު އެ ނިޒާމުގެ ބޭނުން ހިފަމުންދިޔަނަމަވެސް ރަށުގެ ބައެއް ފަރާތްތަކުން އެނިޒާމުގެ ބޭނުން ނުހިފާ ސެޕްޓިކް ޓޭންކް ހަދައިގެން ރަށުގެ ބިމަށް ނަޖިސްފެން ހިންދަމުންދާކަން ވަނީ ފާހަގަ ކުރެވިފައެވެ. މިކަމުގެ ސަބަބުން ރަށުގެ ފެންފަށަލަ އިތުރަށް ތަޣައްޔަރުވެ މިކަމުގެ ނޭދެވޭ އަސަރު ޢާއްމު ރައްޔަތުންނަށްދަނީ ކުރަމުންނެވެ.

ވީމާ، މިހާތަނަށް ނަރުދަމާގެ ނިޒާމާ ގުޅާފައިނުވާ ގޭބިސީތަކުން ވީއެންމެއަވަހަށް އެޚިދުމަތުގެ ބޭނުން ހިފުމަށް ނަސޭޙަތްތެރިވަމެވެ.